Canavaro,Tambwe hatihati kuivaa Azam.

WACHEZAJI watatu wa Klabu ya Yanga, Nadir Haroub ‘Canavaro’, Oscar Joshua na Amis Tambwe, wapo hatihati kucheza mchezo wa Ngao ya Jamii dhidi ya Azam utakaopigwa Jumomosi Uwanja wa Taifa, Dar es Salaam kutokana na kuugua malaria.
Mkuu wa kitengo cha Habari wa klabu hiyo, Jerry Muro, alisema wachezaji hao wote wanasumbuliwa na malaria lakini bado wapo kambini.
Alisema kikosi chao kilichotarajiwa kurejea Dar es Salaam jana, kikitokea mkoani Mbeya, wanaendelea kuwepo kambini kwa kuwa wanaweza kupata nafuu na kucheza mchezo huo.
Muro alisema wachezaji hao wanaendelea na matibabu na ana amini hadi Jumamosi na anaweza wakawa wamepona.
Alisema wanatambua umuhimu wa mchezo huo ndio maana nyota hao bado wameendelea kuwepo kikosini.
Muro alisema wamerejea kwa ajili ya kuzoea hali ya hewa ya Dar es Salaam , ambayo nitofauti na ile ya Mbeya, ambayo imechangia kwa wachezaji wao hao kuumwa.
Alisema katika kambi yao, wameweza kushinda mechi zote na kikosi chao kuzidi kuimarika kabla ya mchezo huo wa ufunguzi wa msimu mpya.
Pia Muro alisema klabu yao imeamua kumsajili mchezaji Vicent Bosou, baada ya kuridhishwa na uwezo wake.
Muro alisema mchezaji huyo kutoka nchini Togo, amepewa mkataba wa miaka miwili kuitimikia klabu hiyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.