Mkutano huo umefanyika katika ukumbi wa Mlimani city Jijini Dar es Salaam leo umempitisha Mgombea mwenza Juma Duni Haji katika kura zilizopigwa kwa kanda kuulizwa na Mwenyekiti wa Taifa Chadema Freeman Mbowe.
Mwenyekiti wa Chama cha demokrasia na maendeleo
chademaMh.Freeman Mbowe amesema kuwa wakati huu ambao wanapigania ukombozi wa
kweli kwa taifa ni lazima kukubali kuwa umoja walio nao bila ya kutenganishwa na
misingi ya Ukabila wala Udini wanawahitaji watanzania wote kuwa kitu kimoja ili
kutekeleza ndoto ya taifa hili la Tanzania katika kuleta mabadiliko ya
kweli.
Mbowe amesema kuwa Mabadiliko kamwe hayawezi kuja yenyewe bila ya Mabadiliko
yanaletwa kwa kila mmoja kujitoa kwani anasema wamepigana kwa takribani miaka
25,watu wamepoteza maisha,wengine kubaki na ulemavu hiyo yote ilikuwa ni
kwaajili ya kutetea wanyonge katika taifa hili.
Amesema siku zote katika kutafuta haki na kuweka
usawa kwa walicho nacho na wasio nacho huwa inahitaji uvumilivu mkubwa kwani vyama
vyote vya UKAWA vimepitia milima na mabonde ili tu kuhakikisha kwamba uwiano
unakuwa sawa kwa kila mmoja na haswa kwa kipindi hiki ambapo wanaenda kuishika
dola niwakati wa watanzania kuendelea kuwa na imani na Muunganiko wa vyama
hivyo ili kuleta matumaini mapya,fikra mpya na mtizamo mpya wenye ukombozi
katika taifa na watanzania wenyewe.
Amesema hakuna mtu wala chama kisicho kuwa na
Mapungufu lakini yakizidi sana inabidi kumpumzika ili usaidiwe kwani itakuwa
umechoka hivyo kama chadema na wao wanamapungufu yao lakini katika kuleta
mabadiliko ya kweli katika taifa hili uzalendo na uthubutu wenye manufaa haswa
kwa kuona walivyo waasisi wa taifa hili sasa ni wakati wa Ukawa kuchukua nchi
na kuleta mtizamo wenye matumaini ya kweli katika Taifa.
Mh.Mbowe amebainisha kuwa ushirika wao unamaana kama
walivyokubaliana kwenye UKAWA kwamba wawe na mgombea mmoja wa urais katika
mchakato huo na kwenye udiwani ili kuwepo na usawa na kusema kuwa kwani ni
faraja kwa kuwa kaika mchakato huo wameanza na mungu na watamaliza na mungu katika
utendaji wa miujiza na anatenda kwa ajili ya chama hicho kwa makusudi na sio
kwa bahati mbaya ili kulijenga taifa.
Mh.Mbowe amewahakikishia watanzania kuwa sasa UKAWA
unachukua nchi na safari hii ni safari ambayo ni ya uhakika na isiyo rudi kamwe
ambapo Mtu wanaye msimamia kupeperusha bendera ni kipenzi cha watu wote
nchini,Imani ya Mh.Edward Lowassa kupeperusha bendera ya chama Cha CHADEMA
kupitia umoja wa Katiba ya wananchi ukawa ni wenye kuungwa mkono wa hali ya juu ndani ya
chama hicho ambapo aliyekuwa makamu mwenyekiti wa CUF na waziri wa Afya Duni
Haji,amelazimika Kujiuzulu Uwaziri wa Zanzibar na Umakamu wa Wananchi CUF ili
kuweza kuwa mgombea mwenza wa UKAWA ili kuleta ushindi kwa chama hicho na umoja
huo wa ukawa kwa ujumla.
Mbowe amesema Tanzania ina ndoto ya mabadiliko
ambayo inachagizwa na kazi kubwa iliyofanywa na viongozi na wanachama wa
Chadema wakiwemo CUF, NLD na NCCR Mageuzi.
CHADEMA imewapokea rasmi na kuwakabidhi kadi viongozi kadhaa mashuhuri
waliokuwa CCM na ambao wamejiunga na CHADEMA.Wamekabidhi kadi viongozi wanne
wanaowakilisha makundi kadhaa yaliyojiorodhesha kujiunga CHADEMA.Kadi ya kwanza
imetolewa kwa Mgana Msindai Mwenyekiti wa Wenyeviti wa mikoa wa CCM
akiwakilisha wenyeviti kadhaa walioomba kujiunga CHADEMA.Kadi ya pili
amekabidhiwa Makongoro Mahanga Naibu Waziri wa Kazi na Ajira kwa niaba ya
mawaziri na manaibu waziri kadhaa walioomba kujiunga na jeshi la ukombozi.Kadi
ya tatu imetolewa kwa Mbunge wa Arumeru Magharibi Ole Madeye akiwakilisha
wabunge wengi walioomba kujiunga CHADEMA.Kadi ya nne imetolewa kwa Katibu wa
fedha na Uchumi CCM Kahama ambaye anawakilisha viongozi wa wilaya kwa mamia
ambao mpaka sasa wameorodhesha majina yao ili wasimame wahesabiwe!
Endelea kusoma taarifa zetu tutakuletea kwa kina
habari hii.
0 comments:
Post a Comment