TFF yaingia mkataba wa miaka 3 wa udhamini wa ligi kuu ya VODACOM Tanzania Bara na VODACOM.

Shirikisho la mpira wa miguu Tanzania-TFF limeingia mkataba wa udhamini wa ligi kuu ya Vodacom Tanzania bara na kampuni ya simu za mikononi ya Vodacom Tanzania wa miaka mitatu wenye thamani ya shilingi bilioni 2.2

Kampuni ya Vodacom Tanzania ambayo imekuwa ikidhamini ligi kuu ya Vodacom kwa miaka nane sasa imesaini mkataba mwingine na TFF kuendelea kuidhamini ligi hiyo inayotarajia kuanza kurindima Septemba 12 katika viwanja mbalimbali hapa nchini ambapo kila timu itakuwa ikipata shilingi milioni 20 kila baada ya miezi mitatu.

Mkuu wa mawasiliano na masoko wa Vodacom Tanzania Kelvin Twisha ameyataja maeneo yaliyofanyiwa maboresho kuwa ni waamuzi na makamishna wa mechi ambao wameongezewa maslahi yao kwa asilimia 40 na kudai kuwa kampuni yake inajivunia kuwa wadhamini wakuu wa ligi hiyo maarufu ndani na nje ya nchi inayofuatiliwa na mashabiki wa soka.

Naye afisa mtendaji mkuu wa bodi ya ligi Boniface Wambura na rais wa TFF Jamal Malinzi wameahidi kufanya kila liwezekanalo ili kuwa na ligi yenye ushindani zaidi pamoja na kuviasa vilabu kujiepusha na migogoro na rushwa lakini pia wadau wengine wamehimizwa kujitokeza kuongeza udhamini kwa vilabu au TFF ili kukidhi mahitaji ya vilabu na uendeshaji wa ligi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.