Viongozi wa Iran wameelezea masikitiko yao kufuatia vifo vya
mamia ya raia kutoka nchi hiyo waliofariki kufuatia mkanyagano katika mji wa
Makkah Alhamisi wiki hii, na wengine wengi kujeruhiwa wakiwa katika ibada ya
Hijja.
Kiongozi Mkuu wa Iran, Ayatollah Ali Khamenei, ametangaza
siku tatu za maombolezo ya kitaifa baada ya ajali ya Alhamisi Septemba 24
nchini Saudi Arabia. Pia amesema kuwa Saudi Arabia inapaswa kukubali kuhusika
kwake katika tukio hilo. Afisa mwandamizi kwenye ubalozi wa Saudi Arabia mjini
Tehran ameitishwa kwenye wizara ya mambo ya nje ya Iran, ili aweze kujieleze
kuhusu tukio hilo, ambapo zaidi ya Mahujaji 700 wamefariki na wengine zaidi ya
800 wamejeruhiwa.
Kwa mujibu wa mwandishi wa RFI katika mji wa Tehran, Siavosh
Ghazi, Iran tayari imesimamishwa miezi michache iliyopita Hijja ndogo
katika mji mtakatifu wa Makkah kufuatia shambulio dhidi ya Mahujaji wawili
kutoka Iran. Shambulio ambalo linaaminika kuwa, kwa mujibu wa viongozi wa Iran,
lilitekelezwa na maafisa wa vyombo vya usalama katika uwanja wa ndege wa Saudi
Arabia.
Wabunge na viongozi wa Iran pia wameshutumu kile
walichokiita "uzembe" wa serikali ya Saudi Arabia kwa kuandaa Hijja,
lakini pia kwa maandalizi ya msaada kwa majeruhi.
Uhusiano kati ya Iran yenye watu wengi kutoka dhebu la Shia
na Saudi Arabia yenye watu wengi kutoka dhehebu la Sunni umedorora katika miaka
ya hivi karibuni kutokana na hali inayojiri katika Ukanda huo vile vile na
ushindani kati ya nchi hizi mbili. Tehran na Riyadhzinapingana kutokakana na
hali inayojiri nchini Syria, Bahrain au Yemen.
Viongozi wa Saudi Arabia waahidi kuanzisha uchunguzi wa haraka
Viongozi wa Saudi Arabia wameahidi kuanzisha uchunguzi wa "haraka uliyo wazi" baada ya Mahujaji kukanyagana na kusababisha maafa makubwa. Zaidi ya Mahujaji 700 wamefariki Alhamisi wiki hii katika mji wa Mina karibu na mji mtakatifu wa Makkah wakati wa ibada ya Hijja, ambayo ni nguzo ya tano ya Uislam.Hili ni janga kuwahi kutokea katika ibada ya Hijja tangu miaka 25 iliyopita nchini Saudi Arabia ambapo mahujaji milioni mbili wamekusanyika mwaka huu.Mfalme Salman wa Saudi Arabia ametoa agizo la kupitiwa upya kwa masuala ya hija baada ya watu zaidi mia saba kufariki kutokana msongamano nje ya msikiti wa Makkah.Idara ya ulinzi wa raia nchini humo imesema watu wengine 863 wamejeruhiwa katika kisa hicho kilichotokea eneo la Mina, takriban kilomita tano kutoka mji mtakatifu wa Makkah.Maafa hayo yalitokea mahujaji takriban milioni mbili walipokuwa wakishiriki moja ya kaida muhimu za mwisho katika ibada za Hijja.Mahujaji husafiri hadi Mina wakati wa kuhiji kurusha mawe saba kwenye nguzo saba zijulikanazo kama Jamarat, ambazo huwakilisha shetani.Nguzo hizo zimo katika eneo ambalo inaaminika kuwa Nabii Ibrahim alijaribiwa na shetani.Watu walikuwa wakielekea eneo la kurushia mawe, na wengine wakitokea huko pale ghafla watu walipoanza kuanguka.Idara ya ulinzi wa raia Saudi Arabia imesema mkanyagano huo ulitokea pale kulipotokea "ongezeko la ghafla" la watu waliokuwa wakielekea kwenye kwenye nguzo za kurushiwa mawe.Waziri wa afya wa Saudi Arabia Khaled al-Falih amesema mkanyagano huo ulitokea kwa sababu mahujaji walikosa kufuata maagizo.Mkanyagano huo umetokea siku ya kwanza ya sherehe za Eid al-Adha.
Wizara ya usalama wa raia ya Saudi Arabia imesema maafisa 4,000 wametumwa eneo hilo kusaidia pamoja na wahudumu 200 wa huduma za dharura.Maandalizi ya ibada hizo za Hija yalikuwa yamekumbwa na mkasa baada ya kreni kuanguka katika msikiti mkuu wa Makkah mwezi huu na kuua watu 109.
Hii si mara ya kwanza kwa mikasa kutokea wakati wa Hijja.Mikasa mingine iliyotokea wakati wa kuhiji:2006: Mahujaji 364 walifariki wakati wa kurushia mawe mnara unaoashiria shetani unaojulikana kama Jamarat.1997: Mahujaji 343 walifariki na 1,500 kujeruhiwa kwenye mkasa wa moto1994: 270 waliuawa katika mkanyagano1990: Mahujaji 1,426 waliuawa katika mkanyagano njia za kupitia chini za kuelekea maeneo matakatifu1987: Watu 400 walifariki maafisa wa serikali walipokabiliana na waandamanaji waliounga mkono Iran.
0 comments:
Post a Comment