Kipchoge na Cherono wapeperusha bendera ya Kenya katika mashindano ya mbio za masafa marefu yaliyoandaliwa mjini Berlin.

Wanariadha wa Kenya walizidi kuonesha umahiri wao katika mashindano ya 42 ya mbio za masafa marefu yaliyoandaliwa siku ya Jumapili mjini Berlin nchini Ujerumani.

Mashindano hayo ya Berlin Marathon ya mwaka huu yalijumuisha jumla ya wanariadha 41,224 kutoka nchi 127.

Kwa upande wa wanaume, mwanariadha Eliud Kipchoge kutoka Kenya alimaliza wa kwanza mbio hizo kwa muda wa 2:04:01 huku Mkenya mwenzie Eliud Kiptanui akifuatia kwa muda wa 2:05:22. Feyisa Lilesa kutoka Ethiopia alimaliza wa tatu kwa muda wa 2:06:57.

Na kwa upande wa wanawake, mwanariadha wa Kenya Gladys Cherono naye alishinda mbio hizo kwa muda wa 2:19:25 huku akifuatiwa na wanariadha wa Ethiopia Aberu Kebede aliyemaliza wa pili kwa muda wa 2:20:48 na Meseret Hailu aliyemaliza wa tatu kwa muda wa 2:24:33.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.