Madee achafua hali ya hewa kwenye siku ya kuzaliwa ya Dogo janja.

MSANII kutoka katika Kundi la muziki la Tip Top Connection,Hamad Ally ‘Madee’ , amemfanyia kitu cha kushtukiza cha kufurahisha‘suprise’ kwa mwanamuziki mwenzake Abdulaziz Chende‘Janjaro’,kwa kumzawadia gari katika sherehe yake ya kuzaliwa.

Madee ambaye ni mlezi wa mwanamuziki huyo kwa muda mrefu amefanya hivyo katika kuonesha upendo wake kwa mwanamuziki huyo aliyezaliwa Septemba 15 wakati anatimiza miaka 21.

Kupitia mtandao wa kijamii Dogo Janja amewashukuru Tip Top Connection, Madee, Babu Tale, na Dick kwa kuwa naye kama familia moja tangu awe mikononi mwao.

“Nawashukuru sana watu wangu wa karibu hasa wale walionilea tangu nilipoingia katika tasnia ya muziki huu hadi sasa bila kumsahau Madee,” alisema

Pia alisema shukrani za dhati zimwendee baba yake mlezi Madee, ambaye hakuwepo kwenye sherehe hiyo na kudai kuwa hana kitu cha kumlipa zaidi atazidi kumheshimu na kumuomba Mungu azidi kumpa uzima na afya njema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.