Zuberi - Mahujaji kuombea uchaguzi mkuu kwenye mji mtakatifu wa Makka.

MUFTI wa Tanzania, Shehe Abubakary Zuberi Ally amesema ataongoza mahujaji wa Tanzania, kuombea uchaguzi mkuu nchini uwe wa amani,atakapofika kwenye mji mtakatifu wa Makka. Mufti alisema hayo kabla ya kwenda kuhiji Makka.

Alikuwa akizungumza na waandishi wa habari makao makuu ya Baraza Kuu la Waislamu Tanzania (Bakwata), jijini Dar es Salaam. Alisema kipindi hiki nchi ipo katika harakati za uchaguzi mkuu, hivyo waislamu waombee amani uchaguzi umalizike kwa salama na amani.

“Kama ninavyotaka Waislamu waombee amani, ninakusudia kuongoza mahujaji wa Tanzania kuombea amani nitakapofika kwenye mji mtakatifu Makka,” alisema. Alisema upo umuhimu wa kulinda na kutunza amani ya nchi. Pia, alisisitiza mpaka sasa hakuna taarifa yoyote kuwa kuna mahujaji wa Tanzania, aliyefariki kutokana na ajali iliyotokea Makka.

Hivi karibuni kulitokea mvua kubwa na upepo nchini Saudi Arabia, iliyosababisha kuanguka kwa winchi iliyokuwa ikitumika katika ujenzi wa kupanua eneo la Tawaf katika msikiti wa Makka na kusababisha vifo vya watu zaidi ya 100.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.