Sierra Leone yaanza tena upya kuhesabu siku 42 za kumaliza janga la Ebola.

Nchi ya Sierra Leone imeanza tena upya kuhesabu siku 42 baada ya wagonjwa wawili wa mwisho wa Ebola kutolewa katika kituo cha matibabu cha Mathene kilichoko mjini Makeni.

Shughuli hiyo ya kuhesabu siku 42 ilianzishwa tena upya siku ya Jumapili baada ya wakazi wa miji ya Kambia na Bombali kukamilisha siku 21 za kutengwa kwenye karantini kufuatia kuzuka kwa kesi mpya za Ebola.

Hapo awali, hesabu ya siku 42 iliyoanza mwezi mmoja uliopita ilivurugika baada ya mwanamke mmoja mwenye umri wa miaka 67 kufariki kwa Ebola mjini Kambia, na mwanafunzi mmoja wa kike mwenye umri wa miaka 16 kufariki mjini Bombali.

Wakati huo huo, kituo cha kukabiliana na Ebola nchini humo kimetangaza zawadi ya fedha Leones milioni 5 kwa mtu yeyote atakayetoa maelezo kuhusiana na Kadiautu Kamara ambaye anashukiwa kuwa na uhusiano wa karibu zaidi na mwanamke aliyefariki Kambia.

Kadiatu ameripotiwa kupotea siku 28 zilizopita kwa woga wa kufanyiwa matibabu ya ugonjwa wa Ebola.

Kwa mujibu wa taratibu za afya, eneo lolote linaweza kutangazwa kumaliza janga la Ebola iwapo hakutoonekana kesi yoyote kwa muda wa siku 42.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.