Magharibi yasonga mbele Zanzibar.

TIMU ya soka ya Wilaya ya Magharibi imefanikiwa kusonga mbele katika michuano ya Zanzibar CUP baada ya kuifunga Wilaya ya Kaskazini B mabao 3-2.

Mchezo huo ambao ni mwendelezo wa michuano hiyo ambayo inadhaminiwa na Rais wa Zanzibar Dk Ali Mohamed Shein ulichezwa juzi kwenye Uwanja wa Amaan mjini hapa.

Katika Mchezo huo Wilaya ya Kaskazini B ndio waliotangulia kupata bao dakika ya 19 tu kuanza kwa mchezo huo. Bao hilo ambalo liliwaamsha Wilaya ya Magharibi lilifungwa na Mwinchuom Mbarouk na kusawazishwa dakika mbili baadaye na Mkombozi Hakimu.

Magharibi baada ya kupata bao hilo walifanikiwa kuandika bao la pili lililofungwa na Yussuf Juma dakika 25 wakati bao la tatu likiwekwa kimiani na Mohammed Omar dakika ya 31.

Kwa upande wa Wilaya ya Kaskazini B bao lake la pili lilifungwa na Suaka Mnyamis dakika ya 33. Kwa matokeo hayo Wilaya ya Magharibi itashuka dimbani tena Oktoba 13 kucheza na timu ya Wilaya ya Kati katika uwanja wa Amaan saa 10 jioni.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.