Rungwe aahidi kufufua viwanda na kurudisha ajira kwa wananchi.

Mgombea urais kwa tiketi ya chama cha ukombozi wa umma (chauma) Mheshimiwa Hashimu Rungwe amesema hakunasababu ya serikali kuuwa viwanda na watu kukosa ajira na kuahidi neema kwa wananchi wa mkoa wa Morogoro endapo atapata ridhaa atahakikisha anafufua viwanda ili kurudisha ajira za wananchi wa mkoa wa Morogoro.

Mheshimiwa Rungwe amepokelewa na umati wa wakazi wa mji wa Morogoro ambapo akihotubia katika viwanja vya soko kuu la manispaa hiyo amesema endapo atapata ridhaa ya wananchi kuwa rais wa jamuhuri ya muungano wa Tanzania ataunda serikali ya mseto na kuahidi kutatua kero sugu za wananchi zikiwemo elimu, matibabu bure kwa wanawake wajawazito, watoto chini ya umri wa miaka mitano pamoja na wazee.

Akihotubia katika kituo cha mabasi cha Msamvu mjini Morogoro Rungwe amesema wakati wa chama cha mapinduzi kuwatumia wananchi kama daraja la kuwavusha kuchukua madaraka na badae kuwaacha wakiteseka na hali ngumu ya maisha sasa umefika mwisho ambapo amewataka wananchi wakichague Chauma ili kiwaletee maendeleo ya uhakika na endelevu.

Kwa upande wake mgombea mwenza wa chama hicho Issa Abasi amewataka wananchi wa mkoa wa Morogoro kuacha kukichagua chama cha mapinduzi kwa mazoea kwani hakina hati miliki ya kuendelea kuwa madarakani kufuatia kushindwa kutatua kero za wananchi kwa zaidi ya miongo mitano sasa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.