Tegete:Toto Africans haitakuwa kivuli cha klabu yoyote ile kwenye Ligi Kuu Tanzania Bara.

KOCHA Msaidizi wa Toto Africans, John Tegete amesema timu hiyo haitakuwa kivuli cha klabu yoyote ile kwenye Ligi Kuu ya Soka ya Tanzania Bara.

Tegete, baba wa mshambuliaji mahiri wa Mwadui ya Shinyanga, Jerson Tegete alisema Toto Africans ni timu iliyodhamiria kuonesha ushindani mkubwa kwenye Ligi Kuu msimu huu na kupoteza mechi ni sehemu ya mchezo.

“Tulifungwa na Yanga lakini sisi sio kivuli cha Yanga, walituzidi kimchezo na zaidi Yanga walishinda kwao, watakuja kwetu Mwanza, mtaona kitakachotokea,” alisema Tegete.

Alisema dhamira yao ya kuonesha ushindani mkali kwenye Ligi Kuu ya Soka ya Tanzania Bara ilianza tangu ligi hiyo ilipofunguliwa rasmi na kwamba watalionesha hilo kwa vitendo kwa kipindi chote cha msimu.

“Mkoa wetu unastahili kuwa na timu ya ushindani kwani ni moja ya mikoa mikubwa hapa nchini na hata katika soka pia ni mkoa mkubwa, tutawafurahisha watu wa Mwanza kwa kuonesha ushindani,” alisema Tegete.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.