Taifa Stars kujipima Sauzi wiki ijayo na University of Pretoria.

KIKOSI cha timu ya taifa ya Tanzania ‘Taifa Stars’ kinachodhaminiwa na bia ya Kilimanjaro Premium Lager, Jumapili kinatarajiwa kucheza mchezo wa kirafiki na timu ya University of Pretoria (Tucks FC) jijini Johannesburg ikiwa ni sehemu ya maandalizi ya mchezo dhidi ya Algeria Novemba 14, mwaka huu.

Mchezo huo wa kirafiki ni sehemu ya progamu ya Kocha Mkuu, Charles Boniface baada ya kufanya mazoezi na vijana wake kwa takribani siku nne mpaka sasa, anahitaji kuona maendeleo ya kikosi chake kabla ya kurejea nyumbani kwa mchezo dhidi ya ‘Mbweha wa Jangwani’ Algeria.

Stars iliyowasili Johannesburg Jumatatu mchana, imekuwa ikifanya mazoezi yake asubuhi na jioni katika viwanja vya St. Peters College na kituo cha michezo cha Edenvale.

Kuhusu hali ya kambi, Boniface alishukuru maendeleo ni mazuri vijana wake wote wapo katika hali nzuri hakuna majeruhi na wanaendelea na maandalizi ya mchezo huo utakaofanyika Novemba 1 mwaka huu Uwanja wa Taifa, Dar es Salaam.

"Dhumuni la kuweka kambi huku ni kupata nafasi ya kuwaanda vijana kwa mazoezi katika mazingira mazuri ikiwamo viwanja vya mazoezi, chakula na malazi kinachofanya kuongezeka kwa umakini katika mazoezi," alisema kocha huyo.

Wachezaji 26 waliopo kambini ni magolikipa Ally Mustafa, Aishi Manula na Said Mohamed, walinzi ni Shomari Kapombe, Juma Abdul, Ramadhan Kessy, Mohamed Hussein, Mwinyi Haji, Hassan Isihaka, Salim Mbonde, Kelvin Yondani na nahodha Nadir Haroub “Cannavaro”.

Wengine ni viungo Himid Mao, Frank Domayo, Mudathir Yahya, Salum Abubakar, Said Ndemla, Jonas Mkude, Salum Telela, Farid Musa na Simon Msuva, ambapo washambuliaji ni Malimi Busungu, Elias Maguri, John Bocco na Mrisho Ngasa.

Wachezaji Mbwana Samatta na Thomas Ulimwengu wanaochezea klabu ya TP Mazembe ya Jamhuri ya Kidemokrasia ya Congo (DRC), wanatarajiwa kuungana na kikosi cha Stars baada ya mchezo wao wa fainali Ligi ya Mabingwa Afrika Jumapili dhidi ya USM Algiers.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.