Waandishi wahabari waonywa kutokuingilia kazi za Mahakama hivyo wazingatie sheria.

Jaji mkuu wa Tanzania Othuman Chande amewataka waandishi wa habari nchini hasa za mahakama kutokuingilia utendaji haki badala yake wazingatie sheria, kanuni na maadili ya kazi za Mahakamani.

Jaji Chande ameyasema hayo jijini Dar es Salaam ambapo amesema haki ya waandishi wa habari kuwa na maoni inathaminiwa na kutambulika lakini wanawajibika kwa sheria ya kashifa na kudharau mahakama hivyo ni vyema wakachukua tahadhari mapema ili kuepuka kukumbana na sheria hizo.

Kwa upande wake meneja maadili wa baraza la habari Tanzania MCT Allan Nlawa amesema mahakama kuu kwa kushirikiana na MCT wameamua kutoa elimu ya nmana ya kutoa taarifa za mahakamani ili kuepuka kuandika habari zitakazoingilia utendaji wa mahakama na kutolea mfano wa baadhi ya vichwa vya habari ambavyo wakati mwingine vinasababisha utata kwenye mwenendo mzima wa kesi, shahidi amgaragaza mshitakiwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.