Kesi ya Bomoabomoa kusikilizwa Mahakama kuu kitengo cha Ardhi Leo.

Kesi ya kupinga bomoa bomoa iliyofunguliwa na mbunge wa Kinondoni Maulid Mtulia(CUF) katika mahakama kuu kitengo cha cha Ardhi inaanza kusikilizwa leo.

Kesi hiyo namba 822 ya mwaka 2015 ambayo imepangiwa jaji Penterine Kente huku upande wa walalamikaji wakisimamiwa na wakili Abubakar Salim.

Akizungumza na waandishi wa habari Mtulia amesema kuwa katika kesi hiyo wawakilishi nane watawakilisha wananchi wa maeneo hayo.

Mbunge huyo alisema kuwa lengo si kufungua kesi hiyo kupinga ubomoaji wa wakazi wa mabondeni bali anahitaji wananchi hao watendewe haki ikiwa ni pamoja na kupewa viwanja walivyo ahidiwa.

Alisema wameamua kufungua kesi hiyo baada ya kufuatilia suala hilo sehemu mbalimbali iliwa ni pamoja na Ofisi ya mkuu wa Mkoa,Wilaya lakini hakuridhishwa na majibu ya viongozi hao.

“Maeneo mengine ya uongozi niliyokwenda najibiwa kuwa viwanja walivyopewa baadhi na wengine kuahidiwa ilitokana na huruma ya Rais mstaafu Jakaya Mrisho Kikwete”Alisema.

Hata hivyo bomoabomoa katika maeneo ya mabondeni itazikumba nyumba zaidi ya 5000 kati ya hizo 114 tu ndizo zilizofanyiwa tathmini.

Bomoabomoa hiyo inaendelea jijini ambapo mwishoni mwa wiki waziri wa Ardhi Nyumba na Maendeleo na makazi,William Lukuvi alitembelea maeneo hayo ambayo yanapaswa kuendelea kubomolewa tena kuanzia leo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.