Kesi ya uhujumu uchumi inayowakabili vigogo wa Mamlaka ya Mapato Tanzania (TRA) yapigwa kalenda.

Kesi ya uhujumu uchumi inayowakabili vigogo wa Mamlaka ya Mapato Tanzania (TRA) wanaotuhumiwa kuhusika na upotevu wa makontena 329 na ukwepaji wa kodi ya Sh. bilioni 12.7, imepigwa kalenda hadi Januari 27, mwaka huu.

Kesi hiyo ilisogezwa mbele jana na Mahakama ya Hakimu Mkazi Kisutu, jijini Dar es Salaam kutokana na kutokamilika kwa upelelezi.

Akitoa uamuzi huo, Hakimu Mkazi Mkuu, Huruma Shaidi, alisema mshitakiwa namba sita Harun Mpande bado ataendelea kuwa rumande kutokana na kutotimiza masharti ya dhamana.

Washitakiwa wengine wanaokabiliwana kesi hiyo ni aliyekuwa Kamishna wa Forodha na Ushuru wa TRA, Tiagi Masamaki ,Meneja wa Kitengo cha Huduma za Ushuru, Habibu Mponezya, Bulton Kaisi na Msimamizi Mkuu wa Bandari Kavu ya Azam-ICD, Eliachi Mrema.

Wengine ni, Mchambuzi Mwandamizi wa Masuala ya Biashara TRA, Khamis Omar, Ofisa wa Kitengo cha Mawasiliano ya Kompyuta (ICT) TRA, Haroun Mpande, Raymond Louis na Ashraf Khan.

Washitakiwa hao wanadaiwa kuwa, kati ya Juni Mosi na Novemba 17, mwaka huu, siku isiyofahamika, walikula njama ya kutenda kosa la kuidanganya serikali kwamba makontena 324 yaliyokuwa katika bandari kavu ya Azam yametolewa baada ya kulipiwa kodi, huku wakijua siyo kweli.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.