Mbivu mbichi za bomoabomoa kutolewa mchana huu mahakama kuu kitengo cha Ardhi.

Mahakama kuu kitengo cha ardhi imeahirisha kutoa uamuzi kuhusu ombi la zuio ya bomoa bomoa ya wakazi wa kata tatu zilizopo wilaya ya Kinonondoni mpaka saa nane mchana huu.

Kesi hiyo ya kupinga bomoa bomoa ya nyumba zilizojengwa kinyume na taratibu ilifunguliwa na mbunge wa jimbo la kinondoni Maulid Mtulia ambapo ilikuwa ianze kusikilizwa lakini ikakwama kufuatia mabishano ya kisheria kati ya mawakili wa serikali wanaoisimamia na wakili wa upande wa walalamikaji.

Kesi hiyo namba 822 ya mwaka 2015 inasikilizwa na jaji Penterine Kente ambaye amesema atakuwa tayari kutoa uamuzi wa mahakama saa nane mchana huu kutoka na maombi hayo kupelekwa chini ya hati ya dharura.

Akiahirisha shauri hilo hapo jana jaji Kente aliahidi kutoa uamuzi huo leo majira ya saa tano asubuhi ambapo ameahirisha hadi saa nane mchana ambapo atatoa msimamo wa mahakama kuhusu kusitisha zoezi la kubomoa maeneo ya mabondeni au lah.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.