Kaya zaidi ya laki moja na nusu kunufaika na mradi wa unyunyuziaji dawa za malaria Kagera.

Kaya zaidi ya laki moja na nusu katika wilaya za Bukoba, Missenyi na Ngara, mkoani

Kagera zinatarajia kunufaika na mradi wa unyunyuziaji wa dawa ya kuzuia mbu majumbani wanaoambukiza ugonjwa wa Malaria.

Takwimu zinaonesha kuwa maambukizi ya ugonjwa huo yamepungua kwa asilimia 41 toka mwaka 2007 hadi kufikia asilimia 8.5.

Hayo yamebainika katika uzinduzi wa mradi wa unyunyuziaji dawa majumbani unaofadhiliwa na serikali ya Marekani ambao umezinduliwa kimkoa katika kata ya Kabale wilayani Bukoba mkoani Kagera.

Akizindua mradi huo mkuu wa mkoa wa Kagera John Mongella, amewataka viongozi wote mkoani humo kuanzia ngazi za vijiji kuhakikisha wanashirikiana kwa pamoja ili kila kaya iliyolengwa katika mradi huo iweze kupata huduma , huku akiwataka watoa huduma kufanya kazi hiyo kwa uadilifu ili jamii iweze kufaidika ipasavyo.

Kwaupande wake msimamizi wa mradi huo nchini Dr.Nduka Iwuchukwu (EUCHU), amewataka wananchi kutoa ushirikiano mara tu watakapofikiwa kupatiwa huduma hiyo ya unyunyuziaji wa dawa ya mbu majumbani.

Aidha, licha ya mradi huo kupokelewa vizuri na wananchi mkoani humo, mganga mkuu mkoani Kagera Dr Thomasi Rutachunzibwa amesema zoezi hilo litakuwa chachu ya kupunguza maambukizi ya ugonjwa wa malaria kwa asilimia kumbwa.

Pindi utakapo anza kutekelezwa mradi huo wa unyunyuziaji wa dawa ya ukoko unatarajia kutoa zaidi ya ajira zipatazo elfu moja miambili tisini na mbili, kwa lengo lakufanikisha zoezi hilo litakalofanyika kwa muda wa wiki tatu.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.