Wananchi waiomba serikali kurudisha matangazo ya Bunge Live TBC.

Waziri wa Habari,Utamaduni,Sanaa na Michezo Mhe.Nape Moses Nnauye akifatilia Kikao cha 6 cha Mkutano wa pili wa Bunge la 11 linaloendelea Mjini Dodoma.

Wakazi wa mkoa wa Morogoro wamesisitiza Serikali kurudisha utaratibu wa kuonesha moja kwa moja matangazo yote ya Vikao vya Bunge ili waweze kuona wanachofanya wawakilishi wao waliowapa Dhamana ya kuwawakilisha Bungeni.

Wakizungumza kwa nyakati tofauti mjini Morogoro Wananchi hao wamesema hawakubaliani na utaratibu wa serikali wa kuamua TBC kurusha moja kwa moja sehemu ya Maswali na majibu na baada ya hapo kurekodiwa na kurushwa usiku.

Wamebainisha kuwa pamoja na stesheni zingine za televisheni ikiwepo Star tv kurusha matangazo hayo,lakini wananchi wana haki ya kuangalia televisheni yao ya taifa kwa kuwa inaendeshwa kwa kodi za watanzania .

Uamuzi wa serikali wa kusitisha matangazo ya moja kwa moja bungeni baada tu ya kipindi cha maswali na majibu kumendelea kuleta simtofahamu kwa wanachi walio wengi , ambapo mkoani, Morogoro uamuzi huo umepokelewa kwa hisia tofauti.

Wakazi wa mkoani hapo wanaona kufanya hivyo ni kutaka kuwakosesha haki ya msingi ya kupata habari kwa kuona nini wanacho kifanya wawakilishi wao waliowatuma .

Serikali ilitoa mapendekezo hayo ikidai kupunguza Gharama zinazo tumika kurusha matangazo hayo ambapo zaidi ya Bilion 4 hutumika kwa mwaka, huku ikielezakuwa zaidi ya asilimia 80 ya watanzania hawaangalii matangazo hayo muda wa mchana.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.