Rais Magufuli aagiza kusitishwa na kuhakikiwa upya ulipaji malimbikizo ya malipo yaliyokwisha idhinishwa BOT.

Said Msangi,Dar es Salaam.

Rais Dkt.John Pombe Magufuli amefanya ziara ya kushitukiza katika Benki kuu ya Tanzania na kuagiza benki hiyo kusitisha mara moja ulipaji wa malimbikizo ya malipo ambayo tayari yalishaidhinishwa na badala yake yarejeshwe wizara ya fedha na mipango kwa ajili ya kufanyiwa uhakiki.

Mpaka rais Magufuli anatoa agizo hilo,Benki kuu ya Tanzania ilikuwa katika mchakato wa kufanya malipo ya shilingi bilioni 925.6, ambazo wizara ya fedha ilitoa idhini ya kufanyika malipo.

Akizungumza na watendaji wakuu wa Benki kuu ya Tanzania waliojumuisha Gavana,naibu Magavana,wakurugenzi na mameneja, rais magufuli ametaka wizara ya fedha ifanye upya uhakiki wa malipo hayo, ili kubaini kama walengwa walioidhinishwa kulipwa wanastahili kulipwa ama vinginevyo.

Aidha,Dkt. Magufuli ameagiza kitengo cha madeni ya nje ambacho awali kilikuwa chini ya benki kuu na baadaye kikahamishiwa wizara ya fedha, kirejeshwe benki kuu mara moja ili kuimarisha udhibiti wa ukopaji na ulipaji wa madeni.

Wakati huo huo, rais Dkt.John Pombe Magufuli amemuagiza Gavana wa Benki kuu ya Tanzania Prof. Beno Ndulu kupitia upya orodha ya wafanyakazi wa benki hiyo, na kuwaondoa mara moja wale wote ambao hawana ulazima wa kuwa wafanyakazi katika benki hiyo.

Rais magufuli ametoa agizo hilo wakati ambapo benki kuu ya tanzania ina wafanyakazi 1391.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.