Wakuu wa mikoa nchini watakiwa kuacha kufanya kazi kimazoea.

Waziri wa nchi ofisi ya waziri mkuu tawala za mikoa na serikali za mitaa Mh.George Simbachawene amewataka wakuu wa mikoa nchini kubadilika kwa kuacha tabia ya kufanya kazi kwa mazoea kwavile kila serikali inayoshika madaraka ina utaratibu na utamaduni wake bila kujali uzoefu wa mtu kwavile kila zama na kitabu chake.

Mh.Simbachawene ameyasema hayo jijini Dar es Salaam wakati akizungumza na wakuu wapya wa mikoa nchini pamoja na kuwataka kusimamia mamlaka za serikali za mitaa kwa kusimamia kila kinachotokea kila siku badala ya kuwaachia makatibu tawala wa mikoa Mh.Simbachawene amewakumbusha wakuu hao kuwa timu ya awamu ya tano chini ya rais Mh.John Pombe Magufuli kuwa mfumo uliopo si wa kuchezea.

Awali akimkaribisha waziri kuzungumza na wakuu hao naibu waziri wa nchi ofisi ya waziri mkuu tawala za mikoa na serikali za mitaa Mh Selemani Jaffo aliwataka wakuu hao kusimamia ukusanywaji wa mapato katika kila halmashauri zao sambamba na kutimiza wajibu wao kikazi na usimamizi wa miradi ya maendeleo ya wananchi.

Halikadhalika katika kikao hicho wakuu hao waliagizwa kusimamia haki za wanawake hususani katika masuala ya ardhi ili haki itendeke mabaraza ya ardhi ngazi za vijiji hadi kata ikibidi yavunjwe na kuangaliwa upya ili haki itendeke na mwenendo mzima wa mabaraza ya ardhi ya wilaya ufuatiliwe upya ili wenye nacho na wasionacho wapate haki sawa ambapo baadhi ya wakuu hao walikuwa na haya ya kusema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.