Mgomo wa Madereva wa daladala Morogoro Ngoma Nzito*Waendelea kwa siku ya Pili huduma za usafiri zawa Ngumu.

Madereva wa Daladala Mkoani Morogoro wameendelea na mgomo wao leo ikiwa ni siku ya pili wakishinikiza Mamlaka ya udhibiti wa Majini na nchi kavu SUMATRA kuacha vitendo vya kuwanyanyasa na kutaka kilio chao kiwafikie wakubwa wanchi ili kusudi waweze kusaidiwa na ikifika hatua mgomo huo uishe na kila mmoja ajue wajibu wake katika sehemu za kazi.

Madereva hao mapema jana wakati walipogoma walisema kuwa kunyanyaswa huko na moja ya afisa wa SUMATRA,kunaendana sambamba na kuombwa rushwa ambapo kama mtu hajatoa wanakamata basi na kuliweka kizuizini kwa muda mrefu bila kushughulikiwa hali ambayo wanaona sijambo la kiungwana.

Kati ya mambo ambayo madereva hao wanalalamikia na kupaza sauti zao ni swala la kunyanyaswa na moja wa Afisa wa SUMATRA,ambapo wamesema nijipu linalo hitaji kutumbuliwa mapema na Mh.Magufuli ambaye anaendana na Sera yake ya Hapa kazi tu nawao wanafanya kazi ila hali inayowakumba nihiyo.

Mgomo huo huwaathiri wananchi wanaotegemea usafiri huo hali inayofikia hatua kushindwa kufanya shughuli zao za siku kutokana na mvutano huo na SUMATRA hali hiyo inawafanya hata wanafunzi wanaoelekea shuleni kushindwa kufika kwa wakati nakurandaranda kituoni hapo bila kujua hatima yao jambo ambalo bila kushughulikiwa halileti picha nzuri kwa serikali hii ya awamu ya tano yenye kasi ya Hapa kazi tu na migogoro ni mwiko.

Baadhi ya viongozi wa Chama cha Madereva Mkoani morogoro jana wameelezea sababu za mgomo huo kwa kina nakusema kuwa hadi kufikia hatua hiyo nikutokana na utendaji mbovu wa Afisa mfawidhi wa SUMATRA Mkoa wa Morogoro kukamata hovyo daladala na kisha kuwatoza faini bila sababu za msingi hali ambayo inawafanya wao wajione hawana haki yeyote.

Baada ya mgomo huo wa Madereva JANA kufukuta kwa Saa 9 ilimlazimu Mkuu wa wilaya ya Morogoro Bwana.Muhingo Rweyemamu kukutana na Madereva hao ambapo alisema kamati ya ulinzi na usalama ya wilaya inawaomba warudishe magari Barabarani kwaajili ya kutoa huduma ya usafiri kwa wananchi mpaka siku ya Juma tatu watakapokutana tena kutatua kero zinazowakabili,jambo ambalo limengonga mwamba na madereva hao kuendelea na mgomo wao kama kawaida.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.