Simba wanane na Tembo 25 wameuawa nje ya hifadhi ya Ngorongoro.

Mhifadhi Mkuu wa Mamlaka ya Hifadhi ya Ngorongoro Dk Freddy Manongi amesema Simba wanane na Tembo 25 wameuawa nje ya hifadhi hiyo kwa kipindi cha mwaka jana kutokana na mauaji ya kulipiza visasi baina ya wananchi na wanyamapori.
Akizungumza na wanahabari wakati wa ziara ya siku tano yenye lengo la kuona athari za ujangili na juhudi zinazochukuliwa na hifadhi hiyo kukomesha vitendo hivyo Dk Manongi amekiri kuwepo kwa migogoro ya mipaka ambayo ipo karibu na makazi ya watu.
Amesema tatizo la kuingiliana mipaka na hifadhi limekuwa sugu ambapo wakati mwingine wanyama hao huingia vijijini kutokana na wanyama kutojua mipaka huku akibainisha kuwa hivi sasa mamlaka hiyo imeimarisha ulinzi kwa kuweka vituo vya Askari wa wanyamapori pori katika maeneo ya vijiji.
Hata hivyo Dk. Manongi amesema ili kudumisha suala la ujirani mwema NCAA inawekeza zaidi kwa wanavijiji vinavyozunguka hifadhi hiyo ambao hufanya nao miradi mbalimbali ya maendeleo na kuwawezesha ili waione hifadhi kuwa sehemu ya eneo lao.
Akizungumzia suala hilo Mkurugenzi wa halmashauri ya wilaya ya karatu Mosses Mabula Amekiri kuwepo kwa mwingiliano Kati ya wanayama pori na binadamu na kubainisha kwamba ukinzani wa sheria ya wanyamapori iliyopo umekuwa ukichangia vitendo hivyo kushamiri katika maeneo hayo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.