Hofu ya kuwepo kwa bomu kwenye majukwa mawili ya uwanja wa Old Trafford yasitisha mechi.

Hofu ya kuwepo kwa bomu kwenye majukwa mawili ya uwanja wa Old Trafford kumesababisha kuahirishwa kwa mchezo wa mwisho wa ligi kuu ya England baina ya Manchester United na AFC Bournemouth.
Taarifa zinasema kulikuwa na vifurushi viwili kwenye majukwaa mawili ya kukaa mashabiki, jukwaa la kwanza lililokutwa na kifurushi kimoja linaitwa Sir Alex Ferguson na lingine linaitwa Stretford End ambalo nalo lilikutwa na kifurushi kimoja hivyo kutokana na hofu wahusika wakaamua kuifuta mechi hiyo.
Tangazo lililotolewa uwanjani hapo kabla ya kuanza kwa mchezo huo lilisema wameamua kufuta mchezo huo kwa ushauri wa jeshi la polisi na baada ya hapo uchunguzi ulianza mara moja ili kubaini kama kweli kulikuwa na bomu uwanjani humo.
Mapema kulikuwa na taarifa za kuchelewa kuanza kwa mchezo huo ila baada ya majadiliano ya kina wakaamua kuaihirisha mchezo huo hadi siku nyingine na katika taarifa yake chama cha soka cha England kimesema mchezo huo itabidi uchezwe hivi karibuni ila hawakusema ni lini utachezwa.
Katika michezo ya mwisho iliyochezwa jana Arsenal wameilaza Aston Vila bao nne kwa bila, Chelsea imetoka sare ya bao moja kwa moja na mabingwa Leicester City, Everton wakaifunga Norwich bao tatu kwa bila, Newcastle United ikaifunga Tottenham Hotspur bao tano kwa moja huku Southampton wakiigaragaza Crystal Palace bao nne kwa moja, Stoke City wameilaza West Ham United bao mbili kwa moja, Swansea City imetoka sare ya bao moja kwa moja na Manchester City, Watford yenyewe imetoka sare ya bao mbili kwa mbili na Sunderland.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.