LEICESTER CITY yacheleweshwa ubingwa baada ya kulazimishwa sare ya bao moja kwa moja na Manchester United.

MABINGWA watarajiwa wa ligi kuu ya ENGLAND Leicester City imewabidi kusubiri ili waweze kutwaa ubingwa huo msimu huu baada ya kulazimishwa sare ya bao moja kwa moja na Manchester United kwenye dimba la OLD TRAFFORD.
Mshambuliaji ANTHONY MARTIAL aliifungia Manchester United goli kwenye dakika ya nane ya mchezo huo baada ya kupokea pasi toka kwa Antonio Valencia na Leicester City wakasawazisha kupitia kwa Wes Morgan akiunganisha kwa kichwa mpira wa adhabu uliopigwa na Danny Drinkwater.
Hivi sasa vinara hao wa EPL wanaongoza ligi hiyo kwa tofauti ya pointi tisa na kama Tottenham hotspurs watashindwa kuifunga CHELSEA hapo kesho basi moja kwa moja Leicester City mabingwa wapya wa ligi hiyo ukiwa kumesaliwa na michezo miwili kaabla ya ligi kumalizika.
Mapema hapo jana jumapili LIVERPOOL walipoteza mchezo wao mbele ya Swansea City baada ya kukubali kipigo cha bao tatu kwa moja.
Nayo Southampton ikainyuka Manchester City bao nne kwa mbili ambapo mshambuliaji toka SENEGAL SEDIO MANE amefunga magoli matatu pekee yake yaani hat- trick na goli lingine limetikiwa kimiani na Shane Long na magoli mawili ya Manchester City amefungwa na Mnigeria Kelechi Iheanacho.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.