Wanasayansi wakiri kwamba ZIKA sasa ni tishio*wasababisha watoto kuzaliwa na vichwa vidogo.

Wanasayansi kutoka nchini Brazil wanaoendelea kuchunguza ugonjwa wa Zika unaonekana kuwa ni hatari zaidi tofauti na mwanzo walivyofikiria.
Ugonjwa huo unasababishwa na virusi vya Zika ambavyo vinasababisha kuzaliwa kwa watoto wakiwa na vichwa vidogo.
Wakiongea na BBC, madaktari hao bingwa wamesema kuwa virusi vya Zika vinaweza kuwa sababu ya kutokea kwa matatizo ya neva za fahamu kwa mwanamke mmoja mjamzito kati ya watano wanaoathiriwa na Virusi hivyo.
Mwanzoni maafisa kutoka CDC waliripoti kuwa virusi vya Zika huenezwa na mbu lakini njia nyingine ambayo unaweza kuambukizwa ni kufanya mapenzi. Watafiti wa ugonjwa huo sasa wameanza kukukubali kuwa kuna uhusiano kati ya mbu anayeeneza virusi na tatizo la watoto kuzaliwa na dosari kwenye ubongo.
Madaktari nchini Brazil wameiambia BBC kuwa asilimia ishirini ya mimba zilizoathiriwa na ZIKA zitasababisha aina nyingine ya kuharibiwa kwa ubongo wa mtoto akiwa tumboni.
Watafiti hao wamesema kuwa asilimia moja ya wanawake walioathiriwa na virusi vya Zika wakati wa ujauzito kuelezwa kuwa watapata watoto wenye vichwa vidogo.
Bado watafiti wanaendelea kutafuta chanjo ambayo itasaidia kupunguza kasi ya ugonjwa huo ambao umeenea zaidi bara la Amerika Kusini.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.