Wauguzi nchini waadhimisha siku ya waaguzi duniani.

Wauguzi nchini hii leo wameungana na wauguzi kote duniani kuadhimisha siku ya waaguzi duniani ambapo katika maeneo mbalimbali nchini kumeelezwa changamoto zinazoikabili sekta ya afya.
Mkoani Tabora katika maadhimisho yaliyofanyika kwenye Hospitali ya Rufaa ya Kitete, wauguzi hao wamesema licha ya changamoto wanazokabiliana nazo, wanajitahidi kufanya kazi kwa uadilifu na kuzingatia maadili ya uuguzi ili kutoa huduma bora.
Huko Manyara maadhimisho yamefanyika katika Hospitali ya Haydom iliyoko wilaya ya Mbulu ambapo imeelezwa asilimia 49 ya wanawake waishio katika kata ya Haydomu wanajifungulia majumbani kutokana na ukosefu wa vituo vya afya.
Mkoani Mbeya, uongozi wa mkoa huo umetangaza kuanza kuvipitia vyuo vyote vya uuguzi ambavyo vinatoa mafunzo ya kada hiyo bila ya usajili, jambo ambalo ni kinyume cha taratibu, kanuni na sheria za nchi.
Katika mkoa wa Dar Es Salaam, Mkuu wa mkoa huo Paul Makonda amewataka wauguzi kufanya kazi kwa weledi na kukwepa matumizi ya lugha chafu kwa wagonjwa.
Amesema pamoja na wauguzi kukabiliwa na uhaba wa vitendea kazi na mazingira magumu ya kazi wanatakiwa kuwa wakarimu kwa wagonjwa.
Siku ya wauguzi duniani huadhimishwa kila mwaka kukumbuka mchango wa mwanzilishi wa huduma za uuguzi duniani Muuguzi Florence Nightangel aliyejitolea kuhudumia majeruhi wa vita.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.