Kansela Merkel amkaribisha Theresa May Berlin.

Kansela Angela Merkel wa Ujerumani amesema amemualika waziri mkuu mpya wa Uingereza Theresa May kwa mazungumzo mjini Berlin, na kuelezea matumaini ya ushirikiano mwema kati ya Uingereza na Ujerumani. Akizungumza na waandishi wa habari katika mji mkuu wa Kyrgyzstan, Bishkek mapema leo, Bi Merkel amesema kuna changamoto nyingi duniani ambazo zinaufanya ushirikiano huo kuwa wa lazima. Kansela Merkel amesema alizungumza na Waziri Mkuu May Jumatano jioni, akikataa hata hivyo kusema chochote kuhusu uteuzi wa Boris Johnson, mpinzani mkubwa wa Umoja wa Ulaya, kuwa waziri wa mambo ya nchi za nje wa Uingereza. Ofisi ya waziri mkuu wa Uingereza imetangaza kuwa Theresa May alizungumza kwa simu na Kansela wa Ujerumani na rais wa Ufaransa Francois Hollande, na kuwaeleza kuwa nchi yake inahitaji muda wa kutosha, kabla ya kuanza mchakato wa kujiondoa katika Umoja wa Ulaya.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.