Shambulio la bomu Saudi Arabia

Washambuliaji wawili wa kujitoa muhanga wameshambulia katika maeneo tofauti nchini Saudi Arabia jana.
Hakuna kundi lililodai kuhusika na shambulio hilo katika kile kinachoonekana kuwa ni mashambulizi yaliyopangwa na kuratibiwa katika nchi hiyo ya Kifalme wakati mwezi mtukufu kwa Waislamu wa Ramadhan ukifikia mwisho.
Mmoja kati ya washambuliaji wa kujitoa muhanga alijiripua karibu na Msikiti wa Mtume mjini Madina,moja kati ya maeneo matukufu katika dini ya Kiislamu, na kuwauwa kiasi walinzi wanne.
Mapema jana Jumatatu,mshambuliaji mwingine wa kujitoa muhanga alijiripua karibu na ubalozi wa Marekani mjini Jeddah,ambapo alijiuwa na kuwajeruhi walinzi wawili.
Mshambuliaji wa tatu alishambulia msikiti katika mji wa Washia wa Qatif,lakini hakuna mtu aliyejeruhiwa.
Saudi Arabia imekuwa lengo la mashambulizi ya kundi la al-Qaeda na lile linalojiita Dola la Kiislamu hapo kabla.
Iran wakati huo huo imeshutumu leo mashambulizi hayo.
Waziri wa mambo ya kigeni wa Iran Mohammad Javad Zarif amesema hakuna tena mipaka kwa washambuliaji na Wasunni, na Washia wote wamekuwa walengwa wa mashambulizi hayo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.