SUMATRA yayapiga nyundo Mabasi ya City Boys yaliyosababisha ajali na kuuwa Singida kwa muda usio julikana.

Mamlaka ya usafiri wa Majini na nchi kavu (SUMATRA) imeyafungia mabasi 12 ya kampuni ya City boys kutokufanya safari zake kufuatia jana mabasi hayo mawili ya kampuni hiyo kusababisha ajali na kuuwa watu 30 eneo la Manyoni mkoani Singida.
Hatua hii ni ya awali katika kushughulikia chanzo cha ajali hiyo ambayo imegharimu maisha ya watu wengi ambapo mpaka sasa madereva wa mabasi hayo wamekamatwa huku hali za majeruhi zikielezwa kuendelea vizuri na baadhi yao wamekwisha kuruhusiwa kurejea makwao.
Mabasi hayo mawili ya City boy yaliyokuwa yakitokea maeneo tofauti moja likitokea Dar-es-Salaam kwenda Kahama na lingine likitokea Kahama kwenda Dar-es- Salaam, baadhi ya mashuhuda walisema kuwa mbasi hayo baada ya kukutana yaliwashiana taa na kuanza kuya yumbisha kama ishara ya kusalimiana na hatimaye kugongana jambo ambalo linaelezwa kuwa wanafanya hivyo kwa miaka mingi.
Jana Kwa mujibu wa Kamanda wa jeshi la polisi mkoani Singida ACP Thobiasi Sedoyeka aliyekuwa amethibitisha kutokea kwa ajali hiyo 04 Julai 2016 alisema kuwa ajali hiyo ilisababishwa na uzembe wa madereva wote wawili kwa kuendesha magari hayo kwa mwendo kasi na kufanya mzaha Barabarani ili hali wakijua wamebeba roho za watu ndani ya gari hizo.
Baadhi ya watu mbalimbali wamesikitishwa na hatua hiyo nakusema kuwa kuyafungia tu haitoshi bali madereva hao wapewe adhabu itakayokuwa fundisho kwa madereva wengine wenye michezo hiyo wakati wakiendesha vyombo vya moto.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.