Ujerumani kuiomba msamaha Namibia kwa 'mauaji ya kimbari'.

Ujerumani inapanga kuomba msamaha rasmi kwa koloni lake la zamani Namibia, kwa mauaji ya kimbari yaliyofanywa na wanajeshi wa Ujerumani katika nchi hiyo ambayo wakati huo ilijulikana kama Afrika ya Kusini Magharibi. Hayo yalitangazwa na wizara ya mambo ya nje mjini Berlin. Wanajeshi wa Ujerumani waliwauwa watu zaidi ya 75,000 wa makabila ya Waherero na Wanama kati ya mwaka 1904 na 1908. Ujerumani iliitawala nchi hiyo kuanzia mwaka 1884 hadi mwaka 1915.
Wizara ya mambo ya nchi za nje ya Ujerumani imesema mazungumzo kati ya nchi hizo mbili, ambayo yanayataja bayana mauaji hayo kuwa ya ''kimbari'' yanatarajiwa kukamilika mwishoni mwa mwaka huu, na kwamba Rais Joachim Gauck wa Ujerumani ndiye atakayeomba rasmi msamaha. Ujerumani na Namibia pia zinanuia kushirikiana katika mipango ya uwekezaji, ukiwemo mradi wa kuondoa chumvi katika maji ya bahari.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.