..............................................................................................................................
Wakati nchi ikiwa katika giza nene la kipindi cha mwezi mmoja kuanza kwa maandamano ya vyama vya siasa licha ya kukatazwa na vyombo vya dola kwa kile kinachoelezwa kuwa nikuzuia mikusanyiko isiyoyalazima ambayo inaweza kuleta viashiria vya uvunjifu wa amani nchini huenda likawa na mkwamo.
Chama cha Demokrasia CHADEMA chenyewe kimeazimia kuwa ifikapo Septemba mosi kitafanya maandamano nchi nzima ya Operesheni UKUTA, ambapo 22 Agosti 2016 nao UVCCM wameibuka nakusema kuwa watafanya maandamano nchi nzima kuunga mkono juhudi zinazofanywa na Serikali ya awamu ya tano jambo ambalo limeonekana kuwa gumzo kila kona juu ya maandamano hayo.
Wakati vyama hivyo vya siasa vikijiandaa katika maandamano yenye katazo la dola, hatimaye kila kona ya nchi Jeshi la Polisi limeonekana likiwa linafanya mazoezi katika sehemu yenye mikusanyiko ya watu hali ambayo baadhi ya maeneo watu walikimbia kwa taharuki huku wakishindwa kujua kunani mpaka jeshi linajiimarisha kiasi cha kukabiliana na na maadui vitani,huku jeshi hilo likisema linajiweka sawa tu, ambapo wachambuzi wa mambo na hata watu mbalimbali wakisema kuwa mazoezi hayo huenda yakawa yakukabili Operesheni UKUTA ya chadema inayotarajiwa kuifanya Septemba mosi mwaka 2016.
Wakati wa Mazoezi yapolisi wamekuwa pia wakisisitiza kuwa nivyema wananchi ifikapo Septemba Mosi kila mtu ajitulize kwake kuliko kufanya mikusanyiko isiyoruhusiwa kisheria kwani kufanya hivyo nikwenda kinyume na matamko yanayotolewa na jeshi hilo.
Wananchi kwa mitazamo tofauti wapo ambao wanaona nivyema vyama vya siasa vikaachwa vifanye mikusanyiko hiyo kwa kueleza kile walichonacho huku wengine wakisema kuwa hakuna haja nivyema tu watulie wafanye mambo mengine yenye maslahi na taifa ili kuepusha umwagaji damu usiowalazima katika maandamano hayo kwani haifai kushindana na chombo chadola ambacho kimeoa katazo hilo.
Leo 23 Agosti 2016 Msajili wa vyama vya siasa nchini Tanzania Jaji Francis Mutungi amezungumza na wanahabari kuelezea namna wanavyotazamia mara baada ya matamko ya maanbdamano ya vyama vya siasa ambayo yanatazamiwa kufanywa na vyama husika licha ya katazo la kufanya mikutano ambalo limetoplewa na dola.
Jaji Mutungi amesema kuwa kuhusu kufanyika ama kutokufanyika kwa maandamano ya vyama vya siasa mazungumzo ya vyama vya siasa ya tarehe 29 Agosti2016 na 30 ndiyo yatakayo amua uwepo wa mikutano hiyo iliyo tangazwa na vyama vya siasa kwa tarehe tofauti.
Hata hivyo baadhi ya viongozi mbali mbali wa ngazi za juu sambamba na viongozi wa dini wamekuwa wakipaza sauti zao kutaka kuwepo kwa mazungumzo na kuacha kuoneshana ubabe usio na tija ilihali taifa ni moja hivyo yafaa kila mmoja asikilizwe kusudi taifa liweze kufikia lengo linalo taraji haswa kipindi hiki cha serikali ya viwanda.
Taarifa zaidi baada ya muda tutawaletea.
0 comments:
Post a Comment