Chande Othman:Kanuni kuendesha mahakama ya mafisadi zaiva.

JAJI Mkuu, Mohamed Chande Othman amesema kanuni za uendeshwaji wa Mahakama Maalumu ya Ufisadi na Uhujumu Uchumi, zimeshakamilika na wanasubiri kuanza kusikiliza kesi. Jaji Othman alisema hayo jana Dar es Salaam wakati akitoa taarifa kuhusu uzinduzi wa Mpango Mkakati wa Miaka Mitano na Mradi wa Maboresho ya Huduma za Mahakama unaotarajiwa kufanyika kesho Kibaha mkoani Pwani.
Alisema, kanuni hizo tayari zimeshachapishwa na zimeanza kutumika rasmi baada ya kutolewa tangazo katika gazeti la Serikali la Septemba 9, mwaka huu.
Alifafanua kuwa kanuni hizo zinaeleza jinsi ya kufungua kesi na kulinda mashahidi, kwa sababu kesi hizo zitakuwa kubwa hivyo majina ya mashahidi yatakuwa yanahifadhiwa isipokuwa mshitakiwa anatakiwa kuyajua.
Aidha, alisema kanuni hizo zinaelekeza kuwa kesi ikifunguliwa ndani ya siku moja, inapelekwa kwa jaji ambaye anaisikiliza na ndani ya siku 30 mahakama itafanya usikilizwaji wa awali.
“Tayari majaji 14 wameshateuliwa na kupata mafunzo kwaajili ya kufanyakazi kwenye mahakama hiyo, pia katika kila Mahakama Kuu ya Kanda kutakuwa na jaji ambaye atakuwa anashughulikia kesi zitakazokuwa zinafunguliwa huko,” alisema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.