Lady Gaga atoa ujumbe muhimu mtandaoni kwa ajili ya kuwaombea dua wahanga wa mzozo wa Syria.

Msanii maarufu wa muziki wa kizazi kipya Lady Gaga alitoa ujumbe muhimu mtandaoni kwa ajili ya kuwaombea dua wahanga wa mzozo wa Syria.Lady Gaga ambaye ana wafuasi wapatao milioni 64 kwenye mtandao wa jamii wa Twitter, alisambaza ujumbe huo kupitia video aliyoweka kwenye akaunti yake kwa hashtag ya #PrayForSyria.
Ujumbe wa Lady Gaga pia unajumuisha picha ya mtoto wa Syria aitwaye Umran mwenye umri wa miaka 5 aliyeokolewa kutoka kwenye mabaki ya nyumba zilizobomolewa kwa mashambulizi ya angani mjini Aleppo.
Ujumbe huo pia uliambatanishwa na picha ya mtoto mwengine mwenye umri wa miaka 6 aitwaye Alex kutoka New York ambaye alimwandikia rais Barack Obama barua na kutaka kuwa na uhusiano wa karibu na Umran.
Maelezo ya barua aliyoandika Alex kwa rais Obama na kuchapishwa White House yalisoma hivi; " Mheshimiwa rais Barack Obama, unamkumbuka mtoto aliyeokolewa baada ya mashambulizi ya Syria? Tafadhali mleteni nyumbani kwetu. Tutakusubiria mitaani na bendera na maua ili kukupokea kwa shangwe utakapowasili. Sisi tutakuwa na uhusiano wa kifamilia. Ndugu yangu mdogo Catherine hukusanya maua kila siku kwa ajili yake. Shuleni kwetu pia nina rafiki yangu Omer kutoka Syria. Tutamualika kwenye sherehe ya siku ya kuzaliwa na tucheze naye michezo ya kitoto. Pia tutamwambia atufundishe lugha yao na sisi pia tutamfundisha Kiingereza kama tulivyomfanyia rafiki yetu Aoto kutoka Japan. Tafadhali mwambie ana rafiki yake mzuri Alex anayempenda kwa dhati. Vile vile mfahamisheni kwamba Catherine anamtengezea vidude vya kuchezea. Tunasubiria kwa hamu na ghamu. Shukran. "

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.