SERIKALI haiwezi na wala haina nia ya kufuta michezo nchini.

SERIKALI haiwezi na wala haina nia ya kufuta michezo nchini kwa sababu yoyote ile na badala yake itaiendeleza sekta hiyo muhimu kwa maendeleo ya Taifa hili. Sambamba na hilo imesema pia haijafuta michezo ya Umitashumta na Umiseta ila imeahirishwa ili ijipange upya ili wanafunzi wanaofika kilele cha mashindano hayo wepelekwe kwenye shule maalumu kuendeleza vipaji vyao.
Waziri wa Habari, Utamaduni Sanaa na Michezo, Nape Nnauye alikiri jana kuwa michezo inahitaji uwekezaji mkubwa na kwamba hajaitelekezwa.
Alikuwa akijibu swali la nyongeza la Mbunge wa Kilolo, Venance Mwamoto(CCM) aliyedai kwamba hapa nchini michezo ni sawa na mgonjwa ambaye anahitaji kupelekwa kwenye maombi, hospitali au kwa mganga wa kienyeji kwa kuwa serikali imeshindwa kuwekeza kuanzia ngazi za chini na kwa nini haitaki kufufua michezo na kupangia bajeti ya kutosha.
Nape alisema serikali imejipanga kuhakikisha inaboresha michezo kwa kutenga bajeti pamoja na kutafuta vyanzo vingine vya mapato ikiwemo michezo ya bahati nasibu ya taifa.
“Nchi zingine zinatumia michezo ya bahati nasibu na sisi tunataka kutumia mtindo huo, lakini pia nitoe mwito kwa sekta binafsi kuja kuwekeza katika michezo kwani ni biashara kubwa,” alisema. Katika swali la msingi Mwamoto alihoji kwa nini serikali isifute michezo?
Akijibu swali hilo la msingi, Nape alisema anamtambua Mwamoto kuwa mwanamichezo mahiri aliyewahi kuchezea timu za soka za Ligi Daraja la Kwanza, sawa na Ligi Kuu ya Tanzania Bara kwa sasa, ikiwemo Lipuli ya Iringa na sasa akiwa kocha wa timu ya Bunge, hivyo haamini kama kweli anataka serikali kuendeleza sekta hiyo muhimu kwa maendeleo ya taifa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.