Kupigwa kwa Mwanafunzi Mbeya Day, hakielimu yalaani jijini Dar es Salaam.

Dar es Salaam. Shirika lisilo la kiserikali linaloshughulikia masuala ya elimu nchini, Haki Elimu limelaani kitendo cha adhabu ya kikatili iliyotolewa na walimu wa mafunzo kwa mwanafunzi wa kidato cha tatu Shule ya Sekondari Mbeya Day, Sebastian Chinguku.

Akizungumza na vyombo vya habari leo, Mkurugenzi Mtendaji wa Haki Elimu, John Kalage alisema vitendo hivyo vinachangia kwa kiasi kikubwa watoto wengi hususani wa kike kuacha shule hivyo kukosa haki yao ya msingi ya kupata elimu.

Alisema serikali ihakikishe kuwa miongozo yake ya kusimamia na kuimarisha nidhamu shuleni inazingatiwa na watu wote.

"Serikali inapaswa kuanzisha mifumo rasmi ya kutoa taarifa dhidi ya matukio ya ukatili yanayoendelea katika shule zetu itakayowawezesha wanafunzi na wadau wengine kutoa taarifa mara wanapokutana na matukio ya kikatili kama haya kwa lengo la kuyakomesha," alisema Kalage.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.