EXCLUSIVE: MAHAKAMA YA WILAYA MBINGA YATOA HUKUMU KWA WALAJI NYAMA YA NYANI.

Na. EMMANUEL MSIGWA

Mkoani Ruvuma, MAHAKAMA ya Wilaya ya Mbinga imewahukumu watu 23 miaka Saba jela au faini ya shilingi 632,000 kila mmoja kwa tuhuma za kukutwa na nyama ya Nyani iliyoandaliwa tayari kwa kitoweo kinyume cha sheria ya wanyamapori ya mwaka 2009 kifungu cha Tano.

Kwa wengi si rahisi sana kuamini jambo hili lakini ndiyo hali halisi, Katika mahakama hii ya wilaya ya Mbinga mkoani Ruvuma, Mafurushi ya nyama ya Nyani yamefurika na imeelezwa kwamba kwa mizigo hii zaidi ya Nyani 80 wameuawa.

Nyani

Hakimu Mkazi wa Mahakama ya wilaya ya Mbinga, JOACKIM MWAKYOLO anasema Mahakama hiyo imewatia hatiani watu 23 wakazi wa Mbinga na kwamba imewahukumu kifungo cha Miaka Saba au Faini ya shilingi 632,000 kila mmoja kwa tuhuma za kukutwa na nyama ya Nyani kinyume cha sheria.

Nikiwa bado katika mahakama hii, watuhumiwa hawa wakaiaminisha jamii kuwa nyama ya nyani inaliwa tena nyama ya paja la mguu wa nyuma ndiyo tamu zaidi kuliko nyama nyingine yeyote.

JUSTINE NDYENABO ndiye Afisa wanyamapori, Pori la Akiba la Liparamba wilayani Mbinga, anasema watuhumiwa hao walikamatwa kijiji cha Luhagara-Mbinga wakisafirisha nyama hiyo kutoka Kihagara Songea ambako ndiko nyani wengi wanapatikana zaidi tofauti na Mbinga ambako kwa sasa wameshapukutika kwa kuliwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.