KENYATTA KULINDA UHURU WA WANAHABARI.

Ameyazungumza hayo jana wakati wa kufungua rasmi mkutano wa kimataifa wa waandishi wa habari mjini Nairobi,

Rais Kenyatta alisema sekta ya uandishi habari ni kiungo muhimu katika jamii na kwa mantiki hiyo amevitaka vyombo vya habari kuwajibika zaidi kwa manufaa ya Wakenya.

Aidha ameonya vyombo vya habari ambavyo hutumiwa na wanasiasa kuchochea fujo na machafuko kwamba serikali yake haitasita kuvichukulia hatua kali za kisheria.

Ametoa mfano wa mauaji ya kimbari ya Rwanda ya mwaka 1994 ambayo yalichochewa zaidi na vyombo vya habari na kusema serikali haitowavumilia wenye nia ya kuivuruga nchi.

Mkutano huo wa kimataifa unawashirikisha wanahabari kutoka nchi mbalimbali duniani na unatarajiwa kumalizika leo hii wakati dunia ikiwa inaadhimisha siku ya kimataifa ya kutetea uhuru wa wanahabari Duniani kote.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.