EXCLUSIVE: MAANDALIZI YA TAMASHA LA TUZO ZA KILIMANJARO MUSIC AWARDS SASA YAIVA. YAELEZWA NIKUTOKANA NA MWITIKIO WAWA DAU NA WASANII, HUKU BAADHI YAWASANII WAINGIA KAMBINI KWAAJILI YA MAANDALIZI YA KUNOGESHA SHEREHE HIZO..

Maandalizi ya tamasha la tuzo za muziki nchini maarufu kama 'Kilimanjaro Tanzania Music Awards' yanaendelea vizuri, ambapo mara baada ya kumalizika kwa kipindi cha kupiga kura, sasa tiketi za kuhudhuria sherehe hizo zitaanza kuuzwa siku ya jumanne katika maeneo kadhaa jijini Dar es salaam.

Akizungumza na waandishi wa habari jijini Dar es salaam leo meneja wa bia ya Kilimanjaro ambayo ndiyo wadhamini wakuu wa tuzo hizo George Kavishe amesema mwaka huu kumekuwa na mwitikio mkubwa zaidi kwa wadau wa muziki kupigia kura wasanii wanaowania tuzo hizo katika makundi 37, zoezi ambalo lilifungwa May 31 na kwamba kwa sasa wasanii mbalimbali wapo kambini kwa ajili ya maandalizi ya kutoa burudani kabambe kwenye sherehe hizo zitakazofanyika katika ukumbi wa Mlimani City, Dar es salaam.

GEORGE KAVISHE - Meneja - Bia ya Kilimanjaro

Kavishe amesema kuwa wadhamini wa tuzo hizo mwaka huu zinazobeba ujumbe wa KIWETUKWETU wameandaa vituo maalum vya wazi katika maeneo ya Mabatini Mwanza, uwanja wa CCM - Moshi na nje ya uwanja wa taifa - Dar es salaam kwa ajili ya wananchi ambao hawatapata fursa kwenda Mlimani City kushuhudia sherehe hizo zitakazoonyeshwa moja kwa moja na televisheni.

Gharama za tiketi hizo zitakazouzwa katika maeneo ya Mlimani City, Boorn to shine mwenge, Roby One Fashion kinondoni na Sharks Limited mtoni kwa Aziz Ali ni shilingi 75,000 kwa wageni maalum yaani VIP, na shilingi 20000 kwa wageni wa kawaida.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.