EXCLUSIVE: TENGA AWATAKA WATANZANIA KUIUNGA MKONO TIMU YA TAIFA YA TANZANIA TAIFA STARS KATIKA MICHUANO YA AFRIKA.

Rais wa Shirikisho la soka nchini (TFF) Leodgar Tenga amewataka watanzania kuendelea kuinga mkono timu ya soka ya Taifa a (Taifa Stars) ili iweze kufuzu kwenye fainali za Michuano ya Afrika kwa wachezaji wa Ligi za Nyumbani (CHAN) zinazotarajia kufanyika mwakani nchini Afrika Kusini.

Leodgar Tenga

Tenga alitoa rai hiyo jijini Dar es Salaam wakati alipokuwa akifunga kozi ya makocha ngazi ya pili iliyoandaliwa na chama cha soka cha mkoa wa Dar es Salaam (DRFA) ambapo jumla la makocha 58 wakiwemo wanasoka wa zamani wamefuzu.

Amesema kwamba Stars ambayo ni timu changa imeonyesha maendeleo makubwa na kwamba itatumia uzoefu wa michuano ya kuwania kufuzu kombe la dunia ili kuweza kufanya vizuri zaidi kwenye michuano hiyo ya CHAN hivyo ni wajibu wa kila mtanzania kuwaunga mkono kwa nguvu zote.

Hata hivyo amesifia kiwango cha soka barani afrika kuwa kimeanza kukua kulinganisha na siku za nyuma na kwamba hali hiyo imechangia na mwamko ulijitokeza kwenye michuano mbalimbali zikiwemo fainali hizo za kombe la CHAN.

Stars ambayo imeondolewa kwenye michuano ya kuwani kufuzu kombe la dunia mwakani inatarajia kumenyana na timu ya taifa Uganda The Cranes julai 13 mwaka huu kabla ya kurudiana wiki mbili zijazo mjini Kampala.

Aidha Kuhusu Makocha,amewataka kutumia ujuzi wao katika kuibua vipaji na kuendeleza sekta ya michezo nchini huku baadhi ya wahitimu wa mafunzo hayo ya ukocha wakisema kwamba imewasaidia katika maisha yao kama wanamichezo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.