MATEKA WA KIPALESTINA WASHAMBULIWA NA ASKARI

Askari wa utawala haramu wa Kizayuni, wamewashambulia mateka wa Kipalestina wanaoshikiliwa katika jela ya kuogofya ya utawala huo ya Eshal.

Shambulizi hilo lilifanyika jana usiku na kuwajeruhi mateka kadhaa wa Kipalestina wanaoshikiliwa kinyume cha sheria katika jela hiyo ya kutisha.

Waziri anayeshughulikia masuala ya mateka wa Kipalestina katika jela za Israel Issa Qaraqe amelaani vikali shambulizi hilo la askari wa utawala huo katili wa Kizayuni dhidi ya mateka hao wa Kipalestina na kuitaka jamii ya kimataifa kuushinikiza utawala huo kuwaachia huru mateka hao.

Kuachiliwa huru mateka wa Kipalestina kutoka katika jela za kutisha za utawala haramu wa Kizayuni, ni moja ya masharti ya Mamlaka ya Ndani ya Palestina kwa ajili ya kuanza tena mazungumzo na utawala wa Kizayuni.

Inatazamiwa kuwa, leo Mamlaka ya Ndani ya Palestina itatoa jibu kuhusiana na pendekezo la John Kerry, Waziri wa Mambo ya Nje ya Marekani juu ya kuanza tena mazungumzo kati ya utawala wa Kizayuni wa Israel na mamlaka hiyo.

Makundi ya muqawama ya Palestina, yanaamini kuwa, mazungumzo hayo hayana faida yoyote kwa raia wa Palestina.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.