WAZIRI ABDALLAH KIGODA AWATAKA WAWEKEZAJI KUHAKIKISHA KWAMBA BIDHAA ZAO ZINATHIBITISHWA NA TBS

Dk. Abdallah Kigoda -Waziri wa Viwanda na Biashara Tanzania.

Waziri wa Viwanda na Biashara Dk. Abdallah Kigoda amewataka wawekezaji wanaozalisha vifaa vya ujenzi kuhakikisha ubora wa vifaa hivyo unathibitishwa na shirika la Viwango nchini TBS ili kuondoa mashaka na athari zinazoweza kujitokeza ikiwa hazirtakidhi viwango vya ubora.

Dk. Kigoda ametoa kauli hiyo wakati anazindua kiwanda cha vifaa vya ujenzi aina ya Gypsum kinachoitwa Sunshine Limited ambacho kimejengwa Kibaha Mkoani Pwani kikimilikiwa na wawekezaji kutoka China.

Amesema katika miaka ya karibuni kumekuwa na malalamiko mengi ya wananchi dhidi ya ubora wa vifaa vya ujenzi, hatua ambayo imesababisha baadhi ya majengo kuporomoka na kuhatarisha maisha ya watu.

Pamoja na uhafifu wa vifaa, ujenzi wenyewe wa majengo pia unakabiliwa na changamoto kwa wasimamizi wa majengo kutofuata kanuni zinazotakiwa, hatua ambayo inachangia majengo kutokuwa katika kiwango kinachotakiwa.

Naye Mshauri wa siasa wa Ubalozi wa China aliyehudhuria uzinduzi huo Bw. Li Xu Hang amesema anaamini ubora wa bidhaa za ujenzi kwenye kiwanda hicho utakuwa suluhisho la nyumba na majengo yaliyo imara, mbali ya kiwanda hicho kutoa ajira kwa watanzania.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.