IWAPO VIJANA WATAWEZESHWA TANZANIA ITAZALISHA MAMILIONEA 100 YA VIJANAWAJASIRIA MALI.

Imeelezwa kuwa Tanzania inaweza kuzalisha mamilionea 100 kila mwaka iwapo vijana wenye mawazo bora ya ujasiriamali watawezeshwa kuwekeza katika raslimali za taifa.

Mwenyekiti mtendaji wa IPP Dk Reginald Mengi ameyasema hayo jijini Dar es salaam wakati wa hafla ya kuwazawadia washindi wa mwezi augosti wa shindano aliloliasisi la kutwiti wazo bora la kuondoa umaskini nchini.

Mratibu wa shindano hilo ambaye pia ni mkurugenzi mkuu wa taasisi ya uongozi na ujasiriamali (IMED), Dr Donath Olomi amesema jumla ya twiti 979 zilishindwanishwa na kumtaja mshindi wa kwanza, aliyejinyakulia zawadi ya shilingi milioni moja kuwa ni Bi Lilian Wilson ambaye ni mwanafunzi wa chuo kikuu cha ardhi jijini Dar es salaam.

Aidha amemtaja mshindi wa pili aliyezawadiwa shilingi laki tano kuwa ni Bi Susana Senga ambaye ni Msanifu kurasa wa gazeti la Jamhuri, na nafasi ya tatu, iliyoambatana na zawadi ya shilingi laki tatu ilikwenda kwa Bw. Ombeni Kaaya mkazi wa Nzega anayefanya biashara ya mgahawa na saloon ya kike.

ITV.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.