KAMPUNI YA MAGARI YA CHINA "FOTON" YAJENGA KIWANDA NCHINI KENYA.

Kampuni ya China ya magari ya FOTON inajenga kiwanda cha kuunganishia magari nchini Kenya ili kudhibiti soko la bidhaa zao.

Kiwanda hicho chenye thamani ya shilingi bilioni 1.7 kinatarajiwa kuunda magari ya zima moto 2,500,malori,mabasi na magari aina ya 'pick-up' kila mwaka kuanzia mwezi Novemba mwaka huu.

Mkuu wa kampuni ya Foton Jinyu Wang alisema wanajenga kiwanda hicho ili kuchukua fursa ya kuondolewa kwa asilimia 25 ya ushuru wa kuagiza magari kwa yale ambayo yataunganishwa ndani ya nchi.

Mpango wa awali wa kampuni hiyo wa kujenga kiwanda hicho nchini Kenya mwaka jana ulifutiliwa mbali baada ya kuipatia Kampala kipaumbele,lakini Bw.Wang amesema Kenya imeonekana kuwa kiunganishi muhimu cha kanda ya Afrika Mashariki.

Alisema itakuwa rahisi kuihudumia Afrika Mashariki kutoka Nairobi kuliko Kampala.

Hivi sasa magari ya Foton huagizwa yakiwa yamekamilika lakini pindi kiwanda hicho kitakapoanza kazi ya kuunganisha magari nchini Kenya,itakuwa fursa nzuri ya kushusha bei na kuweza kuimarisha ushindani wao katika soko.

Kiwanda cha Foton kitaweza kuajiri raia wa Kenya takriban 400 watakaohusika katika kazi mbalimbali kwenye kiwanda hicho.

Kampuni ya Foton inajivunia mafanikio katika kipindi cha muda mfupi tangu kuanza shughuli zake katika soko la Kenya na hususan Afrika Mashariki mnamo Aprili mwaka 2011 na ina matawi katika mji wa Nairobi na Mombasa na vilevile wafanyabiashara wengine waliowapa haki za kuuza bidhaa zao kama vile Eldoret,Nakuru,Thika,Kisumu na Malindi。

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.