UTALII NCHINI KENYA UPO MATATANI, HUKU MASHIRIKA MAKUU YAKIELEZWA KUKOSA BODI ZA WAKURUGENZI.

Utalii nchini Kenya uko matatani baada ya mashirika yote yanayosimamia utalii nchini humo kukosa bodi za wakurugenzi,huku serikali ikiwa inapigana na mipango ya kuliondoa Bunge katika kufanya uteuzi wa bodi za wakurugenzi.

Sheria ya utalii ya mwaka jana ilifuta bodi zote za mashirika ya umma ili kutoa fursa kwa ajili ya ushindani katika kuajiriwa.Hata hivyo mchakato huo ulikwama.

Akizungumza jana,waziri wa utalii nchini Kenya Bi.Phyllis Kandie alisema hali hii itaendelea hadi sheria ya utalii itakaporekebishwa.Alisema ni vigumu kwa sheria hiyo kutekelezwa.

Chini ya sheria hiyo Rais anateua Mwenyekiti na Waziri anateua wanachama watano wa bodi.Majina ya watu hao sita yanafaa kuwasilishwa bungeni kwa ajili ya kuidhinishwa.

Kandie alisema hali hii imefanya kuwa vigumu kupata wanachama wa bodi wazuri,na ndio maana baada ya mazungumzo waliamua kuirekebisha sheria hiyo.

Aidha Bi Kandie alidokeza kuwa wizara yake inashauriana na Mkuu wa Sheria kuhusu namna ya kufanya marekebisho hayo.

Kucheleweshwa kuundwa kwa bodi hizo huenda kukaathiri sekta hiyo kwa sababu hakuwezi kutolewa maamuzi yoyote bila idhini ya bodi.

Mwaka jana utalii uliingiza shilingi bilioni 96, Utalii umekuwa ukikumbwa na matatizo huku wageni wakipungua kwa 29,000 hadi milioni 1.23.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.