KESI YA LHRC NA TLS DHIDI YA WAZIRI MKUU PINDA MAHAKAMA KUU KUSIKILIZA TENA PINGAMIZI HILO OCTOBA 18 MWAKA HUU.

David Ramadhan, Dar Es Salaam.

Kesi ya Kikatiba dhidi ya waziri Mkuu Mizengo Pinda, imetajwa rasmi katika Mahakama Kuu ya Tanzania, Kanda ya Dar es Salaam,ambapo upande wa walalamikaji wameomba kupatiwa muda wa siku 14 kupitia pingamizi zilizotolewa na serikali na kisha kuwasilisha majibu yao.

Kituo cha Sheria na Haki za Binadamu (LHRC) kwa kushirikiana na Chama cha Wanasheria Tanganyika (TLS) wamefungua kesi hiyo ya kikatiba kufuatia kauli ya Waziri Mkuu Mizengo Pinda bungeni, aliyoitoa katika mkutano wa 11 wa Bunge, kwamba Polisi watatakiwa kuwapiga watu wanaojihusisha na vurugu.

Kutokana na maombi hayo ya walalalamikaji LHRC kwa kushirikiana na TLS, mahakama kuu imeahirisha kesi hiyo hadi Septemba 30 mwaka huu ili waweze kuleta majibu ya pingamizi zilizotolewa na serikali.

Kesi hiyo namba 24 ya mwaka 2013, inayosikilizwa na jopo la majaji watatu likiongozwa na Jaji Kiongozi, Fakihi Jundu, akisaidiana na Dk Fauz Twaib na Augustine Mwarija imepangwa kusikilizwa pingamizi za awali oktoba 18, mwaka huu baada ya mahakama hiyo kupokea maelezo toka pande zote za mlalamikaji na mtetezi.

BI. Hellen Kijo Bi Simba

Tambarare Halisi ilipotaka kuzungumza na jopo la mawakili wa upande wa Serikali wanaomtetea Waziri Mkuu Mizengo Pinda, Wakili Nixon Mtimbwa alieleza kuwa hawezi kuzungumza lolote isipokuwa atafutwe Naibu Mwanasheria Mkuu wa Serikali.

Katika kesi hiyo, walalamikaji wanadai kuwa kauli inayodaiwa kutolewa na Waziri Mkuu Pinda ni kinyume cha katiba kwa kuwa inakiuka Ibara za 12(2) 13(1), 13(3), 13(6)(a-e), hivyo wanaiomba mahakama, itamke wazi kuwa kauli hiyo ni kinyume cha katiba na imwamuru Waziri Mkuu Mizengo Pinda aifute hadharani kauli yake hiyo.

Wanadai kuwa kauli na amri kama hizo zinapotolewa na kiongozi mkubwa na mwenye hadhi kama ya mdaiwa, zinachukuliwa kama sheria inayopaswa kutekelezwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.