MAADHIMISHO YA MIAKA 124 YA SHUJAA ISIKE, LOWASSA ASIMIKWA KUWA CHIFU WA UNYANYEMBE TABORA..

Na.Juma Kapipi,Tabora.

Maadhimisho ya siku ya kumbukumbu ya miaka 124 ya Shujaa na Mtemi wa Unyanyembe Isike MwanaKiyungi yamefanyika mkoani Tabora ambapo waziri mkuu mstaafu na mbunge wa Jimbo la Monduli Bw. Edward Lowassa alikuwa mgeni rasmi.

Katika maadhimisho hayo Bw.Lowassa alitumia fursa hiyo kuwataka watanzania kuona umuhimu wa historia hiyo kubwa ya Shujaa huyo wa Unyanyembe aliyethubutu kupambana na udharimu na ukandamizaji dhidi ya Waafrika uliofanywa na Wakoloni pamoja na Waarabu katika karne za 17 hadi 20.

Aidha Bw.Lowassa pamoja na kuzungumzia suala la mmomonyoko wa maadili kwa jamii na baadhi ya viongozi kwa ujumla unaoendelea kujitokeza hapa nchini,aliwataka wananchi kuiga mfano wa Shujaa huyo wa Unyanyembe Isike MwanaKiyungi ambaye alikuwa mzalendo na kuwa tayari kufa kwa ajili ya nchi yake.

Katika sherehe hizo za miaka 124 Bw.Lowassa alipata Baraka za kutambikiwa na machief mbalimbali waliongozwa na Mtemi wa sasa wa Unyanyembe Chief Msagati Ngulyati Saidi Fundikira na baadae kuweka jiwe la msingi katika eneo la Ujenzi wa mnara wa ngome ya Mtemi Isike MwanaKiyungi.

Hata hivyo baadhi ya machief kutoka mikoa ya Tabora,Katavi na Mbeya kupitia kumbukumbu hiyo wameishauri Serikali kuangalia uwezekano wa kutambua rasmi uwepo wa Machief hao hatua ambayo itasaidia kudumisha maadili miongoni mwa jamii.

Aidha maadhimisho hayo ya miaka 124 ya Shujaa wa Unyanyembe Isike MwanaKiyungi mbali na kuhudhuriwa na watu mbalimbali wakiwemo viongozi wa serikali na vyama vya siasa pia yalipambwa kwa ngoma za asili ya kabila la wanyamwezi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.