MAGUFULI: WAHANDISI WAZALENDO TUWAPE KIPAUMBELE KATIKA AJIRA.

Dk John Magufuli.

Serikali imetakiwa kuajiri wahandisi wa nchini na kuacha tabia ya kuajiri watu kutoka nje ya nchi.  

Kauli hiyo imetolewa na Waziri wa Ujenzi, Dk John Magufuli, jijini Dar es Salaam katika mkutano wa mwaka wa wahandisi.

  “Mapinduzi katika nchi zilizoendelea yasingekuwapo bila ya kuwapo kwa fani ya uandisi, hivyo ni vyema serikali ikawapa kipaumbele wahandisi wazawa kwani wana vigezo na viwango vilivyopitishwa na bodi,” alisema Dk. Magufuli.  

Dk. Magufuli aliongeza kuwa “tusipokua makini na kufumbia macho kama suala la gesi tutaishia kuwa wasindikizaji tu ,”  Pia alisema kwamba serikali jumla ya imetenga Sh. milioni 500, katika mwaka wa bajeti 2013/14 kwa ajili ya kusaidia mafunzo ya wanafunzi wa fani hiyo.   

Vilevile, aliwaasa wahandisi wote kuwa waangalifu, wajitume kwa bidii na kuacha tabia ya kuoneana wivu katika kazi na kuwa na desturi kwa kushindana kibiashara na kwa ushirikiano.  

Aliwataka wafanye kazi kwa weledi na wajali kazi kwanza na kwa maslahi ya Taifa, kujali viwango na kuepukana na tabia ya kupokea rushwa.  

Mwenyekiti wa Bodi ya Wahandisi, Profesa Ninatubu Lema, alisema fani hiyo inakabiliana na changamoto za utekelezaji wa miradi ya kiuhandisi.  

Pia alisema, bodi hiyo imepewa mamlaka ya kusajili wahandisi na kampuni zote za kihandisi na kuwapa leseni na masharti yake.  

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.