MAKAMPUNI YA SUKARI TANZANIA YALALAMIKA.

Makampuni ya ndani katika sekta ya sukari nchini Tanzania yanasemekana kuelekea kufilisika iwapo uagizaji wa sukari ya bei nafuu hautadhibitiwa.

Kampuni ya Tanganyika Plantation imetoa mwito kwa wizara husika kuzungumza na waziri mkuu ili kutafuta suluhu ya kudumu kwa tatizo hilo sugu.

Wadau hao wanadai ukwepaji wa kulipa ushuru ndio sababu kuu ya uagizaji wa sukari,ambapo wanadai hakuna usawa kati ya sukari inayozalishwa nchini na ile inayoagizwa kutoka nje.

Afisa Tawala wa kampuni ya Tanganyika Plantation Bw Jaffari Ally anasema kuwa wazalishaji wa ndani wanalipa ushuru lakini wanaoagiza hawalipi na ndio maana wanaweza kuuza sukari yao kwa bei ya chini.

Alisema iwapo serikali haitaingilia kati na kudhibiti uagizaji wa sukari , wazalishaji wa ndani huenda wakalizimika kufunga biashara.

Tanzania sasa ina uwezo wa kuzalisha tani 320,000 za sukari kwa mwaka ilhali mahitaji ni tani 480,000 kwa ajili ya matumizi ya nyumbani na viwandani.

Mapungufu haya yalipelekea uhaba wa bidhaa hiyo ambapo Waziri Mkuu Mizengo Pinda alihimiza uagizaji wa tani 50,000 za bidhaa hiyo kila mwaka lakini sasa wazalishaji wa ndani wanahofia kufunga biashara iwapo serikali haitadhibiti uagizaji.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.