TAIFA STARS YAREJEA NCHINI IKITOKEA GAMBIA.

Timu ya soka ya Tanzania (Taifa Stars) leo wamerejea nchini wakitokea Gambia walikokuwa wakicheza mchezo wa marudiano wa kuwania kufuzu fainali za kombe la dunia zitakazofanyika mwakani nchini Brazil.

Akizungumza mara baada ya kuwasili kwenye uwanja wa ndege wa kimataifa wa mwalimu nyerere Jijini Dar es Salaam,Kocha mkuu wa Stars Kim Poulsen amesema kwamba kufungwa kwa mabao 2-0 dhidi ya Gambia kunatokana na kukosekana kwa wachezaji tisa muhimu wakiwemo wanaocheza soka la kulipwa nje ya nchi.

Amesema ili timu hiyo iweze kufanya vizuri kwenye michuano ijayo ni lazima kuwajumisha wachezaji wa kulipwa ambao mchango wao kwa Stars unahitajika zaidi huku akiwaomba mashabiki kuendelea kuinga mkono timu hiyo ndani na nje ya uwanja.

Amesema kwamba Gambia wameshinda mchezo huo uliofanyika Jumamosi iliyopita kwa kuwa iliwaita nyota wake 12 wanaocheza soka la kulipwa nje ya taifa hilo.

Nahodha wa Stars Juma Kaseja amewataka mashabiki wawe wavumilivu wakati timu hiyo ikiendelea kujipanga upya kwa ajili ya michuano ijayo.

Baadhi ya mashabiki,wamesikitishwa na timu hiyo kucheza chini ya kiwango na kuwataka wachezaji kujituma uwanjani huku wakitambua kwamba mpira ni ajira.

Taifa Stars iliondoka Gambia jana ambapo imepitia Senegal na mali na kisha Nairobi kabla ya kutua nchini kwa ndege ya shirika la ndege la Kenya ( Kenya Airways)

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.