UN YAKABIDHI RIPOTI YA SHAMBULIO LA KEMIKALI SYRIA.

Katibu Mkuu wa Umoja wa Mataifa Ban Ki-Moon amepokea ripoti ya wataalamu wa umoja huo kuhusiana na shambulio la silaha za kemikali linalodaiwa kuua mamia ya watu viungani mwa mji mkuu wa Syria, Damascus.

Msemaji wa Umoja wa Mataifa Martin Nesirky ameeleza kwamba, Ban atatangaza matokeo ya ripoti hiyo katika kikao cha Baraza la Usalama la Umoja wa Mataifa hii mda mfupi hadi sasa.

Katika upande mwingine Ufaransa, Uingereza na Marekani zimekubaliana kupendekeza azimio kali katika Umoja wa Mataifa dhidi ya Syria iwapo nchi hiyo itashindwa kukabidhi silaha zake za kemikali kama ilivyoafikiwa.

Nchi hizo tatu wanachama wa kudumu wa Baraza la Usalama la Umoja wa Mataifa zimekubaliana kuzidisha mashinikizo dhidi ya serikali ya Syria ili iheshimu makubaliano yaliyofikiwa kati ya Russia na Marekani kuhusu silaha zake za kemikali.

Jumamosi iliyopita Russia na Marekani zilikubaliana mjini Geneva kwamba hadi katikati ya mwaka ujao wa 2014 maghala ya Syria ya silaha za kemikali yawe tayari chini ya usimamizi wa kimataifa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.